د رسنیو مدیرانو او چلوونکو ته د روزنیز او مشورتی سیمینار دایرول

0
557

اطلاعاتو ته د لاسرسي د څارنې کمیسیون د رسنیو چلوونکو ته روزنیز او مشورتي سیمینار د وږي په ۱۴ مه نیټه د کابل ستار په هوتل کې دایر کړ.

په دغه یو ورځني سیمینار کې چې په ملي او نړیوالو قوانینو کې اطلاعاتو ته د لارسرسي دحق، اطلاعاتو ته د لاسرسي د قانون د تشریح او اطلاعاتو د لاسرسي د کلتور پیاوړتیا په موخه جوړ شوی وو، د رسنیو زیات شمیر چلوونکو، د کمیسیون غړو او کارکوونکو ګډون کړی وو.

لومړی صفی الله ځیر د کمیسیون د لوړتیا لوړولو د برخې مسؤول، د سیمینار په ټولیزې محتوا د رڼا اچولو تر څنګ زیاته کړه: په دموکراتیکو نظامونو کې اطلاعات د خلکو په استازیتوب د چارواکو سره وي، نو په دې اساس دولت مکلف دی تر څو د غوښتنې په صورت کې اطلاعات خلکو ته وړاندې کړي.2

وروسته عین الدین بهادری د کمیسیون مرستیال او دانش کړوخیل د کمیسیون غړي، لاندیني موارد په تفصیل تشریح کړل او د چاور د لا سمون لپاره یې د ګډونوالو غوښتنې او نظریات واوریدل.3

  • اطلاعاتو ته د لاسرسي د حق تعریف او ارزښت
  • اطلاعاتو ته د لاسرسي د څارنې کمیسیون پیژندنه، دندې او صلاحیتونه
  • اطلاعاتو ته د لاسرسي د قانون پیژندنه او موخې
  • په قانون کې کارول شوي اصطلاحات
  • اطلاعاتو ته د لاسرسي د حق د تضمین په برخه کې حقوقی چوکاټ
  • د راتلونکي یو کال لپاره د کمیسیون خپرونې
  • د اطلاع ورکولو د مسؤولې څانګې پیژندنه او دندې
  • د اطلاعاتو غوښتنې (غوښتن پانه او د رسید کتاب)، مصارف او د اطلاعاتو د وړاندې کولو قانوني نیټه
  • د اطلاع رسولو ډولونه/ د اطلاعاتو د متقاضی د شکایت څیړل
  • د کمیسیون لخوا د متقاضی د شکایت څیړل/ تخلفات، مؤیدات او ممنوعیتونه

وروسته بیا ګډونوالو هم د دې تر څنګ چې د نوموړي سیمینار دایرول یې ډیر په زړه پورې او روزنیز وبلل، خپل غوښتنې، نظریات او نیوکې یې د قانون د لا ښه تطبیق په اړه وړاندې کړې.4

په آخر کې له ټولو رسنیو وغوښتل شول تر څو د عامه اذهانو په روښانولو، اطلاعاتو ته د لاسرسي د کلتور پیاوړتیا او د یو میاشتیني تبلیغاتي کمپاین په پلي کولو کې له کمیسیون سره هر اړخیزې مرستې او همکاري وکړي.

د یادولو وړ ده چې د دغه سیمینار دایرول هم د هغه یو میاشتیني تبلیغاتي کمپاین یوه برخه ده کوم چې یوه اونۍ مخکې کمیسیون، اطلاعاتو ته د لاسرسي د نړیواله ورځ په درشل کې پیل کړ.

NO COMMENTS

LEAVE A REPLY